Su tempong tamai naliu, su orase penetakenge, soa Laghaeng beline kere soa tu tempong i. Soa su tempong horo pelo e dade su saghe. Soa dingang apang bale su orase i su tempong tamai ko u udae. Areng soa e bedang takoae, kute seng mauli bale taumata metatana.Nau sutemangku mapiang nisego "Soa Tebe".
Su simbeka dala pia bulude telumbau. Bulude labo arenge Bulude Megembalo, tuarine su simbeka bou kuaneng Soa Tebe, arenge "Bulude Gumahe". Su tarorane pia bulude kadio nakoa kerelagung sara Megembalo dingang Gumahe, arenge "Bulude Peliang". Su lengehe simbeka kuaneng Bulude Peliang arenge Lengehe Matei, su simbeka kuihi Bulude Peliang arenge Lengehe Talanggo. Su alung Bulude Megembalo pia tampa putanakeng taumata orase i, arenge Pahempang.
Nulagha Selong
Pia sihebi, lua balu (kuing kite orase i "tsunami") mediokang bale laboe, nundopele soa tebe. Lua naawi su wowong soa sarang nudating alung u Bulude Magambalo dingang alung Bulude Gumahe. Takoae nakauli arau nakaweke su manga pulung taghuang Soa Tebe mensang pirangketau taumata nate karea lua balu e. Ketang ho nikaweke sire; kebi taumata su soa tebe, nengaling putanakeng sire nasoho dala su alung laede Bulude Megembalo.
Su tempong sire kepungalinge bawaang sire sarang tampa buhu hebi madalung e, pia singketau nakasilo kina selong geghuwa katedehe su wowong lua wene napasi mumuse su laese busa. I anu nakasilo e kimaka beline masikome, wuade: "Kina selong ndong natuhe mumuse su puung u wusa...". Taumata mauli kepuhengke darotong sire lawo kimaka lainge, kuing sire nehindo: "Laghaeeee...." . Wene nae naelo, kina selong labo e nilagha sire singkampung gunang kaang sire su tampa buhu. Naneta sihelo e, tampa buhu niputanakeng sire nisego: Laghaeng.
Sire nasalamate bou lua balu e nakoa yupung simbotongange tau Laghaeng. Narena, tau Laghaeng naka-nupalahana mauli. Manga ana sire nukoa bale su wanggile Bulude Gumahe, su simbeka timuhe bou Laghaeng, su tampa nisego sire: Bumbahu. Sengga ho numeti bale dasi su wowong bulude Pahempang. Laghaeng dingang Bumbahu nipusara u Bulude Peliang. Kamageng tau Laghaeng tarai sarang Bumbahu, pakatote dumaleng su soa Peliang, baugu soa Peliang tampa maspoke. Kumbahang mugara. Kamageng mugara, Bulude Peliang i kaondolang u batu. Kerene beke'e, soa Peliang nisego Peliang baugu peli sumahe mugara su tampa ene. Pusasara soa Peliang talamakapubesu pudalahiking tau Laghaeng dingang tau Bumbahu bou tempong horo sarang tempong samuri i. Haki we seng pia sasuling sire;
Laghaeng dingang Bumbahu
Kere taumuhari.
Laghaeng nipuhana horo
Bumbahu hedo samuri.
Maning i'tentang marau
Tamailang bu naung
Kere anau simbau
Gawe takawulenang
Maning su'soa marau
Tamailang bu naung
Maning meliku dunia
Laghaeng takawulenang
SaBat LaMa
Pai su simbeka Soa Laghaeng, manga duangkilo rau'e pia tampa areng'e Sanumpito. Tampa simbau i nusasempu dingang kampung Peling. Beke tau maghagurang su Sanumpito mauli i kareakeng salehe sanumpito (burung gaheda). Kere lai pai su simbeka timuhe pia tampa putanakeng areng'e Batusenggo. Su Batusenggo ko pia batu labo mesulung kere pamo malapasi senggo, e haki nisego sire u Batusenggo. Su Batusenggo pia tampa putahasimpalang, arenge: Sawang (tampa pia batu malapasi senggo) dingang Lakehe su pondole kampung. Dasi su wowong u polohe pusemakeng u Bulude Megembalo dingang u Bulude Gumahe, pia tampa putanakeng lai, areng'e Makoa.
Pudalahiking tau Sanumpito, Batusenggo, Laghaeng, Bumbahu, Batusenggo dingang Makoa kere pudalahiking singkawinang. Maning su tampa marau, kamageng taumata bou lima tampa i nesombang, sene pia komolang sire. Su Bitung seng pia Komolang (basa: Rukun) arenge SaBat LaMa (kenanduae: Sanumpito, Batusenggo, Laghaeng, Makoa). Komolang SaBat LaMa i seng nakoa mauli hale mapia su dalung kehi pudalahiking ana u simbau. Simpoho kere pusesambua wusa.
Su simbeka dala pia bulude telumbau. Bulude labo arenge Bulude Megembalo, tuarine su simbeka bou kuaneng Soa Tebe, arenge "Bulude Gumahe". Su tarorane pia bulude kadio nakoa kerelagung sara Megembalo dingang Gumahe, arenge "Bulude Peliang". Su lengehe simbeka kuaneng Bulude Peliang arenge Lengehe Matei, su simbeka kuihi Bulude Peliang arenge Lengehe Talanggo. Su alung Bulude Megembalo pia tampa putanakeng taumata orase i, arenge Pahempang.
Soa Laghaeng Orase Samuri
Nulagha Selong
Pia sihebi, lua balu (kuing kite orase i "tsunami") mediokang bale laboe, nundopele soa tebe. Lua naawi su wowong soa sarang nudating alung u Bulude Magambalo dingang alung Bulude Gumahe. Takoae nakauli arau nakaweke su manga pulung taghuang Soa Tebe mensang pirangketau taumata nate karea lua balu e. Ketang ho nikaweke sire; kebi taumata su soa tebe, nengaling putanakeng sire nasoho dala su alung laede Bulude Megembalo.
Su tempong sire kepungalinge bawaang sire sarang tampa buhu hebi madalung e, pia singketau nakasilo kina selong geghuwa katedehe su wowong lua wene napasi mumuse su laese busa. I anu nakasilo e kimaka beline masikome, wuade: "Kina selong ndong natuhe mumuse su puung u wusa...". Taumata mauli kepuhengke darotong sire lawo kimaka lainge, kuing sire nehindo: "Laghaeeee...." . Wene nae naelo, kina selong labo e nilagha sire singkampung gunang kaang sire su tampa buhu. Naneta sihelo e, tampa buhu niputanakeng sire nisego: Laghaeng.
Sire nasalamate bou lua balu e nakoa yupung simbotongange tau Laghaeng. Narena, tau Laghaeng naka-nupalahana mauli. Manga ana sire nukoa bale su wanggile Bulude Gumahe, su simbeka timuhe bou Laghaeng, su tampa nisego sire: Bumbahu. Sengga ho numeti bale dasi su wowong bulude Pahempang. Laghaeng dingang Bumbahu nipusara u Bulude Peliang. Kamageng tau Laghaeng tarai sarang Bumbahu, pakatote dumaleng su soa Peliang, baugu soa Peliang tampa maspoke. Kumbahang mugara. Kamageng mugara, Bulude Peliang i kaondolang u batu. Kerene beke'e, soa Peliang nisego Peliang baugu peli sumahe mugara su tampa ene. Pusasara soa Peliang talamakapubesu pudalahiking tau Laghaeng dingang tau Bumbahu bou tempong horo sarang tempong samuri i. Haki we seng pia sasuling sire;
Laghaeng dingang Bumbahu
Kere taumuhari.
Laghaeng nipuhana horo
Bumbahu hedo samuri.
Maning i'tentang marau
Tamailang bu naung
Kere anau simbau
Gawe takawulenang
Maning su'soa marau
Tamailang bu naung
Maning meliku dunia
Laghaeng takawulenang
Soa Bumbahu & Bulude Gumahe
SaBat LaMa
Pai su simbeka Soa Laghaeng, manga duangkilo rau'e pia tampa areng'e Sanumpito. Tampa simbau i nusasempu dingang kampung Peling. Beke tau maghagurang su Sanumpito mauli i kareakeng salehe sanumpito (burung gaheda). Kere lai pai su simbeka timuhe pia tampa putanakeng areng'e Batusenggo. Su Batusenggo ko pia batu labo mesulung kere pamo malapasi senggo, e haki nisego sire u Batusenggo. Su Batusenggo pia tampa putahasimpalang, arenge: Sawang (tampa pia batu malapasi senggo) dingang Lakehe su pondole kampung. Dasi su wowong u polohe pusemakeng u Bulude Megembalo dingang u Bulude Gumahe, pia tampa putanakeng lai, areng'e Makoa.
Pudalahiking tau Sanumpito, Batusenggo, Laghaeng, Bumbahu, Batusenggo dingang Makoa kere pudalahiking singkawinang. Maning su tampa marau, kamageng taumata bou lima tampa i nesombang, sene pia komolang sire. Su Bitung seng pia Komolang (basa: Rukun) arenge SaBat LaMa (kenanduae: Sanumpito, Batusenggo, Laghaeng, Makoa). Komolang SaBat LaMa i seng nakoa mauli hale mapia su dalung kehi pudalahiking ana u simbau. Simpoho kere pusesambua wusa.
Tonggeng Laghaeng Orase ini
