LIAGHA A' HUNG

Beke tau Sangihe ko malahaghi, kebi pia gunane dang masidape pudaringihange. Bekeku i ko beke keruane dalohone u sejarah purba singkateta pudalahiking su banua batangeng. Bekeku keruane i, mutatentang dingang beke simbotongang e. Beke simbotongange nariadi abate 15 su likude taung masehi.Beke keruane i ho, nariadi su tempong damahi, kukudanine sarang taung masehi. Engkuing sengga wuade ko su tempong zaman Hindu. Manga su taung 1000 sarang 500 SM. Jadi ko nikahorokang u mite Ampuang Tatetu su wowong Karangetang niteta bou taung 1500 SM.

Dade su banua sina pia singketau bawine arenge Sang Iang. Wene ni sego kite tau sangihe orase i ndi: Sangiang. Sire taha'ana ditokole pasebang bou dalung kedatuan baugu nukakoa barang talanahino su naung kaisare. Sire taha'ana ni pesake rakite nikoateng bou bulucina wene pirua nionode sarang laude maloang. I timade Sang Iang talamasue sangi....elo matane mang katedone apang elo dingang lai apang hebi.

Wene i Dewi Sang Hiang Sie ko Dewi su Khayangan (tampa bidadari) kupengimaneng sire mesulung u Mawu, Sie kimendage nakaringihe sangi i Sang Iang. I Dewi nudoi singketau bidadari areng'e A-Hung. Kamageng su pengimaneng tau Sangihe, areng i A Hung ni pesulung kere i Antung, Opung, Empung, mangalene ko Dewi Laut. Empung arau i A Hung sie botonge makakoa liaghane koateng pulau simbau tadeae i Sang Iang sire taha'ana makasangkile su pulau nikoateng i A Huang.

Kute piruanga tala narena kedio, lua labo nundusa pulo ko nikoateng i A Huang e. Pulo simbau e nukekaese nakoa mauli. Jadi apang komolang pulau e nisego sire: Sangi...mangalene ko tangis. Kute ko pia lai nubera wuade areng Sangi ndi ko nialakeng bou areng burung Sanumpito. Bahasa sina burung e ko Sang Hen.....Ore kere bekene>>>terimakase.